بیجنگ(شِنہوا)چین کی گاڑیوں کی فروخت اگست میں گزشتہ سال کی نسبت 8.4 فیصد بڑھ کر25 لاکھ 82 ہزار یونٹ تک پہنچ گئی۔

پیر کو چین کی آٹوموبائل مینوفیکچررز ایسوسی ایشن کے جاری اعداد و شمارکے مطابق ملک کی گاڑیوں کی پیداوارگزشتہ سال کی نسبت7.5 فیصد بڑھ کر گزشتہ ماہ 25 لاکھ 75 ہزار یونٹ تک پہنچ گئی جبکہ کھپت میں اضافے کی حکومتی پالیسیوں کی بدولت جولائی میں فروخت اور پیداوار دونوں میں کمی کا سلسلہ ختم ہو کربہتری کے آثار ظاہر ہوئے۔

رواں سال کے پہلے آٹھ مہینوں کے دوران گاڑیوں کی پیداواراورفروخت میں بالترتیب 7.4 فیصد اور 8 فیصد اضافہ ہوا جو رواں سال کے پہلے سات مہینوں میں دیکھی گئی نمو کے برابر رہا۔

پیر کو جاری اعداد و شمارکے مطابق نئی توانائی کی گاڑیوں کی پیداوار اور فروخت میں بالترتیب 22 فیصد اور 27 فیصد اضافہ  ظاہر ہوا۔