ہانگ کانگ(شِنہوا) چین کے ہانگ کانگ خصوصی انتظامی علاقے (ایچ کے ایس اے آر) حکومت نے  چین سے متعلق  امریکی کانگریس کے ایگزیکٹو کمیشن کی طرف سے شائع ہونے والی نام نہاد "اسٹاف ریسرچ رپورٹ" اور ہانگ کانگ کی صورتحال پر نام نہاد سماعت کی سخت مذمت  کرتے ہوئے اسے مسترد کر دیاہے،جس میں ایک بار پھر ہانگ کانگ کے ججزکے خلاف الزام  تراشی کرتے ہوئےنفرت انگیز دھمکیاں دی گئی ہیں۔ ایچ کے ایس اے آرحکومت  کے ترجمان نے ایک بیان میں کہا کہ یہ دھمکی ایچ کے ایس اے آر میں ججزپر نفرت انگیز دباؤ ڈالنے عدالتی عمل میں مداخلت اور انصاف کے نظام کو کمزور کرنے کی ایک بے شرم، مذموم اور بدنیتی پر مبنی کوشش ہے ترجمان نے کہا کہ اس کوشش نے امریکی سیاست دانوں کی منافقت اور دوہرے معیار کو واضح طور پر بے نقاب کیا ہے، جو قانون کی حکمرانی کو برقرار رکھنے کا دعویٰ کرتے ہیں لیکن عملی طور پر قانون سے بالاتر سیاسی چالبازیوں سے اسے شدید نقصان پہنچا چکے ہیں۔ بیان میں کہا گیا ہے کہ  یہ بین الاقوامی قانون اور بین الاقوامی تعلقات کے بنیادی اصولوں کی سنگین خلاف ورزی ہے۔