ہانگ کانگ(شِنہوا) ہانگ کانگ خصوصی انتظامی علاقے (ایچ کے ایس اے آر) کی حکومت نے برطانیہ کی نام نہاد "ہانگ کانگ پر ششماہی رپورٹ" کے مندرجات کی بھرپور تردید کرتے ہوئے انہیں سختی سے مسترد کردیاہے۔

ایچ کے ایس اے آر حکومت کے ایک ترجمان نے کہا کہ نام نہاد رپورٹ میں "ایک ملک، دو نظام" کے اصول کے کامیاب اطلاق کے تحت ایچ کے ایس اے آر پر الزام تراشی کرتے ہوئے بدنیتی پر مبنی سیاسی حملے کیے گئے ۔

ترجمان نے کہا کہ ایچ کے ایس اے آر کا بہتر انتخابی نظام "ہانگ کانگ کے محب وطن انتظام " کے مکمل نفاذ کو یقینی بنانے کے لیے قانونی تحفظ فراہم کرتا ہے۔ کسی کے پس منظر سے قطع نظر، جو بھی حب الوطنی کے تقاضوں اور معیار پر پورا اترتا ہے، وہ قانون کے مطابق انتخابات میں حصہ لے سکتا ہے۔ ایچ کے ایس اے آر حکومت نے 18 دسمبر 2022 کو قانون ساز کونسل کی انتخابی کمیٹی کے حلقہ جات کے ضمنی انتخاب کا ایچ کے ایس اے آر  کےانتخابی قوانین کے مطابق کھلے، منصفانہ اور دیانتدارانہ انداز میں کامیابی کے ساتھ  انعقادکرایا۔قومی سلامتی کے تحفظ کے بارے میں ترجمان نے کہا کہ قومی سلامتی مرکزی حکام کے دائرہ اختیار میں ہے۔ قومی سلامتی کا تحفظ ہر ملک کی ذمہ داری اور حق ہے۔ برطانیہ میں بھی قومی سلامتی سے متعلق بہت سے قوانین ہیں۔ ایچ کے ایس اے آر حکومت نام نہاد رپورٹ کے ذریعے ہانگ کانگ کے قانون پر مبنی طرز حکمرانی میں مداخلت اور ہانگ کانگ کے قانون کی حکمرانی کو کمزور کرنے کی کوششوں کے ذریعے ہانگ کانگ میں قومی سلامتی کے قانون کے خلاف برطانیہ کی بار بار بدنیتی پر مبنی الزام تراشی کی سختی سے مخالفت کرتی ہے۔ قانون سے مطلوبہ نتائج حاصل کیے گئے  اور تیزی سے اور مؤثر طریقے سے استحکام اور سلامتی کو بحال کیاگیا ہے۔