ہانگ کانگ (شِنہوا) چین کے ہانگ کانگ خصوصی انتظامی خطے(ایچ کے ایس اے آر) کی حکومت نے امریکی قانون سازوں کی طرف سے ہانگ کانگ کے حکام، ججز اور پراسیکیوٹرز کو نام نہاد "پابندیوں کی فہرست" میں شامل کرنے کی کوشش کی شدید مذمت کی ہے۔
ایک نام نہاد "بل" کے ذریعے امریکی قانون سازوں نے ایچ کے ایس اے آر کے سیکرٹری برائے انصاف، قومی سلامتی تحفظ کی کمیٹی کے سیکرٹری جنرل، پولیس کمشنر اور متعدد ججز اور پراسیکیوٹرز کو پابندیوں کی نام نہاد فہرست میں شامل کرنے کے لیے جائزہ درخواست کی جس کا مقصد قومی سلامتی کی حفاظت کرنے والے ایچ کے ایس اے آر کے متعلقہ اہلکاروں کو دباو میں لانا ہے۔
ایچ کے ایس اے آرحکومت کے ترجمان نے کہا کہ یہ واضح ہے کہ قومی سلامتی کا تحفظ ایک خودمختار دائرہ اختیار کے اندرونی معاملات میں آتا ہے، اس لیے ہانگ کانگ میں قومی سلامتی کے قانون کا نفاذ کسی مداخلت سے پاک ہے۔
ہانگ کانگ میں قومی سلامتی کے قانون کے کامیاب نفاذ سے بڑے پیمانے پر یہاں کی کمیونٹی کے ذرائع معاش اور معاشی سرگرمیاں تیزی سے معمول کے مطابق دوبارہ شروع اور کاروباری ماحول بحال ہوا ہے۔
