ووہان (شِنہوا) ایس ایف ایئرلائنز نے چین کے وسطی صوبے ہوبے کے ای ژو ہواہو ہوائی اڈے سے پاکستانی شہر لاہور کے لئے ایک نیا فضائی مال بردار روٹ شروع کردیا ہے۔ یہ چین کی سب زیادہ مال بردار طیارے رکھنے والی فضائی کمپنی ہے۔

ایس ایف ایئرلائنز نے کہا ہے کہ ای ژو-لاہور مال بردار روٹ ایس ایف ائرلائنز کا رواں سال شروع کردہ پہلا بین الاقوامی فضائی مال بردار روٹ ہے جو ای ژو ہوا ہو ہوائی اڈے سے شروع کیا گیا ہے۔ یہ ہوائی اڈاہ چین کا پہلا مال بردار ہوائی اڈہ ہے۔

شیڈول کے مطابق ای ژو اور لاہور کے درمیان ہفتے میں 3 دو طرفہ مال بردار پروازیں چلائی جائیں گی۔

فضائی کمپنی کے مطابق نئے روٹ ہفتے میں مجموعی طور پر 300 ٹن سامان کی فضائی نقل و حمل کی گنجائش ہوگی جس سے مؤثراور مستحکم فضائی نقل و حمل کے ذریعےچین اور پاکستان کے درمیان لاجسٹکس برقرار رہیں گی۔

ای ژو ہوا ہو ہوائی اڈا نےجولائی 2022 میں کام شروع کیا تھا ۔ یہ ایک مال بردار ہوائی اڈا ہے جس میں وسیع پیمانے پر مال بردار اور کچھ مسافروں کی آمدورفت کی سہولیات موجود ہیں ۔ اس ہوائی اڈے سے پہلا بین الاقوامی روٹ اپریل 2023 میں شروع ہوا تھا۔

ایس ایف ائرلائنز چین کے معروف کوریئر ادارے ایس ایف ایکسپریس کی ہوابازی شاخ ہے اور یہ اب تک ای ژو سے عالمی مقامات کے لیے مجموعی طور پر 11 بین الاقوامی مال بردار روٹس شروع کرچکی ہے۔