بیجنگ(شِنہوا) اقوام متحدہ کے اقتصادی وسماجی امور کے محکمہ (ڈیسا) کے ایک سروے کے مطابق، چین 2022 میں ای-گورنمنٹ کی ترقی میں 193 ممالک میں 43 ویں نمبر پر ہے، جو 2012 میں 78 ویں نمبر پر تھا۔ سروے کے مطابق، چین ان ممالک میں سے ایک  ہے جس نے اپنی ای-گورنمنٹ رینکنگ کے لحاظ سے سب سے زیادہ بہتری کا مظاہرہ کیا ہے۔ اس سروے کا چینی زبان کا ورژن بدھ کو یو این ڈیسا اورپارٹی سکول آف دی کمیونسٹ پارٹی آف چائنہ سنٹرل کمیٹی کے ای گورنمنٹ ریسرچ سنٹر نے مشترکہ طور پر جاری کیا۔ سروے کے مطابق چین کا ای-گورنمنٹ ڈویلپمنٹ انڈیکس (ای جی ڈی آئی) 2022 میں 0.8119 رہا جو 0.6102 کی عالمی اوسط سے زیادہ ہے، اس سے چین کا شمار "انتہائی اعلی" ای ڈی جی آئی گروپ میں ہواہے۔

قومی سطح پر ای-گورنمنٹ ترقی کا پیمانہ ای جی ڈی آئی ایک جامع انڈیکس ہے جو ٹیلی کمیونیکیشن انفراسٹرکچرانڈیکس، ہیومن کیپیٹل انڈیکس اور آن لائن سروس انڈیکس(او ایس آئی) کے تین نارملائزڈ انڈیکس کے اوسط پرمبنی ہے۔