بیجنگ (شِنہوا) چین نے امید ظاہر کی ہے کہ امریکہ بحرالکاہل کے جزائر پر مشتمل ممالک کی حقیقی مدد اور ان کی ترقی اور استحکام کے لیے کردار ادا کرے گا۔

وزارت خارجہ کی ترجمان ماؤ ننگ نے ان خیالات کا اظہار گزشتہ روز باقاعدہ نیوز بریفنگ میں چین کے بارے میں امریکی عہدیدار کے ریمارکس اورحال ہی میں کئی امریکی عہدیداروں کی جانب سے بحرالکاہل کے جزائر پر مشتمل ممالک کے دوروں سے متعلق سوال کے جواب میں کیا۔

ماؤ نے کہا کہ چین اور بحرالکاہل کے جزائر نما ممالک کے درمیان تعاون کھلااور شفاف ہے اور وہ ان ممالک کی خودمختاری اور منشا کا مکمل احترام کرتا ہے۔

ترجمان نے مزید کہا کہ ہم کبھی کسی  پولیٹیکل اسٹرنگ کونہیں جوڑتے اور نہ ہی کوئی تیسرافریق ہمارا ہدف ہے۔بحرالکاہل کے جزائر پر مشتمل ممالک کی حکومتوں اور عوام نے تعاون کا خیرمقدم اور اسے تسلیم کیا ہے۔

ترجمان نے کہا کہ  بحرالکاہل کے جزائر پر مشتمل ممالک کسی بھی ملک سے کم نہیں ہیں۔چین اثر و رسوخ کے لیے کسی بھی ملک کے ساتھ مقابلہ بازی، یا نام نہاد "جیو پولیٹیکل موجودگی" یا "اثر و رسوخ کے دائرے" کی تلاش میں دلچسپی نہیں رکھتا ہے۔

ترجمان نے کہا کہ ہمیں امید ہے کہ امریکہ بحرالکاہل کے ان ممالک کے لیے حقیقی مدد فراہم اور ان کی ترقی اور استحکام میں کردار ادا کرے گا۔