سان فرانسسکو(شِنہوا)امریکی صدر جو بائیڈن ریاست کیلیفورنیا کے شہر سان فرانسسکو کے جنوبی علاقے میں واقع کنٹری ہاؤس کے فلولی اسٹیٹ کے بینکوئٹ ہال کے داخلی دروازے پر اپنے سیل فون پر مصروف تھےجیسے کچھ تلاش کر رہے ہوں۔

بائیڈن، جن کی تھوڑی دیر پہلے چینی صدر شی جن پھنگ کے ساتھ ملاقات ختم  ہوئی، اصل میں فلولی اسٹیٹ میں دی گئی ضیافت کے لیے اپنے چینی ہم منصب کا انتظار کر رہے ہیں جسے چمکتی ہوئی لائٹس سے روشن اور خوبصورت سجاوٹ سے مزین کیا گیا ہے۔ جیسے ہی صدر شی قریب پہنچتے ہیں، بائیڈن نے انہیں اپنا فون دکھایا اور چینی رہنما کی توجہ اسکرین کی طرف مبذول کروائی ۔ صدر بائیڈن نے پوچھا  "کیا تم اس نوجوان کو جانتے ہو؟" جس پر شی نے مسکراہٹ کے ساتھ جواب دیا کہ "جی ہاں، یہ میں 38 سال پہلے تھا۔" بائیڈن کے فون پر دکھائی جانے والی تصویر صدرشی نے 1985 میں لی تھی جب وہ امریکہ کے اپنے پہلے دورے پر تھے۔ سان فرانسسکو شی جن پھنگ کے سفر کی پہلی منزل تھی۔ شہر کے کسی بھی دوسرے مہمان کی طرح، شی نے گولڈن گیٹ برج پر اپنی تصویر بنوائی تھی۔ اس وقت، شی، اپنی عمر کی تیس کی دہائی کے اوائل میں تھے اور  شمالی صوبے ہیبے میں زینگ ڈنگ کے کاؤنٹی لیڈر تھے۔ بائیڈن نے ایک قہقہہ لگاتے ہوئے کہا کہ "تم ذرا بھی نہیں بدلے!"

اس طرح کے خوشگوارماحول میں، دونوں رہنما ایک ساتھ بینکوئٹ ہال میں داخل ہوئے۔