بیجنگ(شِنہوا) چین نے امریکہ، برطانیہ اور آسٹریلیا پر زور دیا کہ وہ جوہری عدم پھیلاؤ کی اپنی ذمہ داریوں کو مکمل سنجیدگی سے پورا اور بین الاقوامی جوہری توانائی ایجنسی (آئی اے ای اے) کے حفاظتی نظام کی اتھارٹی اور افادیت کو نقصان پہنچانے سے گریز کریں۔

یہ مطالبہ چینی وزارت خارجہ کے ترجمان وانگ وین بِن نے آکوس  معاہدے سے متعلق ایک سوال کا جواب دیتے ہوئے کیا۔

اطلاعات کے مطابق 14 مارچ کو امریکہ، برطانیہ اور آسٹریلیا نے جوہری آبدوز تعاون کے طریقہ کار کا اعلان کیا تھا۔ تینوں ممالک نے کہا کہ وہ عدم پھیلاؤ کے اعلیٰ ترین معیارات کو پورا کرنے کو یقینی بنانے کے لیے پرعزم ہیں، اور حفاظتی انتظامات پر آئی اے ای اے کے ساتھ بات چیت کریں گے۔

آئی اے ای اے کے ڈائریکٹر جنرل رافیل ماریانو گروسی نے ایک بیان میں کہا کہ ایجنسی آسٹریلیا کے ساتھ جوہری ہتھیاروں کے عدم پھیلاؤ کے معاہدے (این پی ٹی) کے سلسلے میں آسٹریلیا کے جامع حفاظتی معاہدے (سی ایس اے) کے آرٹیکل 14 کے تحت انتظامات کرنے کے لیے آسٹریلیا سے مشاورت کرے گی۔

وانگ نے کہا کہ چین کو آکوس جوہری آبدوز معاہدے کے سلسلے میں گروسی کے تازہ ترین بیان پر سخت تشویش ہے اور وہ امریکہ، برطانیہ اور آسٹریلیا کی جانب سے آئی اے ای اے سیکرٹریٹ کو حفاظتی امور کی توثیق کے لیے مجبور کرنے کی سختی سے مخالفت کرتا ہے۔

وانگ نے کہا کہ سب سے پہلے، تینوں ممالک نے زور دیا کہ وہ جوہری عدم پھیلاؤ کے وعدوں کو پورا کریں گے، تاہم  یہ دنیا کو دھوکہ دینے کے لیے ایک  بیان بازی کے سوا کچھ نہیں ہے۔