بیجنگ (شِنہوا)چین نے کہا ہے کہ اس کے خلاف امریکہ کی خود ساختہ سرمایہ کاری پابندیاں ایک معمول کا عمل ہے جس سے امریکہ کوکوئی فائدہ نہیں ہوگا بلکہ  اس سے دوسروں کے مفادات کو نقصان پہنچتا ہے۔

 وزارت تجارت کے ترجمان شو جوئی تنگ نے ان خیالات کا اظہار ایک پریس بریفنگ میں امریکی صدر جو بائیڈن کے چین میں امریکی سرمایہ کاری کو محدود کرنے کے ایگزیکٹو آرڈر سے متعلق سوال کا جواب دیتے ہوئے کیا۔

ترجمان نے کہا کہ قومی سلامتی اور ڈی رسکنگ کے نام پر پابندیاں، اور سرمایہ کاری شعبے میں امریکہ کے دوغلے  اقدامات ، کاروباری اداروں کے عام کاروباری فیصلوں کو بری طرح متاثر کرتے ہیں، مارکیٹ قوانین اور بین الاقوامی اقتصادی اور تجارتی نظام کے لیے نقصان دہ اورعالمی صنعت اور سپلائی چین کی  سیکورٹی کومتاثر کرتےہیں۔ شو نے کہا کہ امریکی کاروباری برادری کو بھی اس حوالے سے تشویش ہے کہ  اسی طرح کی خودساختہ پابندیاں امریکی کمپنیوں کی بین الاقوامی مسابقت کو نقصان  اور تکنیکی ترقی میں رکاوٹ بنیں گی۔