امریکہ، ٹیکساس، آسٹن میں پتنگ میلے کے دوران ایک بچہ پتنگ اڑارہا ہے۔(شِنہوا)
نیویارک (شِںہوا) زچگی صحت میں امریکہ کا ریکارڈ شرمناک ہے اور عالمی ادارہ صحت کی ایک تازہ رپورٹ کے مطابق اسکی صورتحال بد سے بدتر ہوتی جارہی ہے۔
امریکی اخبار واشنگٹن پوسٹ نے ایک رپورٹ میں بتایا ہےکہ گزشتہ 2 دہائیوں میں دنیا کے بیشتر ممالک نے بچے کی پیدائش کے دوران یا اس کے فوراً بعد ہونے والی اموات کی تعداد کم کرنے میں مسلسل پیشرفت کی ہے لیکن امریکہ اس کی مخالف سمت میں چلا گیا ہے۔
عالمی ادارہ صحت کے مطابق 2000 سے 2015 کے درمیان زیادہ تر ممالک میں زچگی صحت میں بہتری آئی ہے تاہم 2015 اور 2020 کے درمیان پیشرفت میں کمی ہونا شروع ہوئی اور کچھ جگہوں پر اس کے برعکس ہوا۔
امریکہ ان 23 ممالک میں شامل ہے جہاں ان 2 دہائیوں کے دوران زچگی کے دوران اموات کی اوسط شرح میں اضافہ ہوا ہے۔
رپورٹ کے مطابق 2020 تک تقریباً تمام امیر ممالک میں بچوں میں ہر ایک لاکھ میں سے شرح اموات 10 سے بھی کم رہ گئی تھی۔
امریکہ میں ہر ایک لاکھ پیدائش میں اموات کا تناسب تقریباً 78 فیصد بڑھ کر 21 ہوگیا تھا تاہم امریکہ میں حاملہ خواتین کی نگہداشت کی صورتحال کو دیکھتے ہوئے یہ تعداد کسی کےلئے بھی حیران کن نہیں ہے۔
اس میں مزید بتایا گیا ہے کہ امریکہ اس قومی شرمندگی سے نبردآزما ہونے کےلئے کچھ نہیں کررہا ہے، ایسے میں اسقاط حمل پر پابندی صورتحال کو مزید بگاڑدے گی۔
