واشنگٹن (شِنہوا) امریکہ میں چینی سفارت خانہ واشنگٹن ڈی سی کے دنیا بھرکے سفارتی  دورے میں شامل ہو گیا جس کے تحت ایک اوپن ہاؤس ایونٹ کا انعقاد کرتے ہوئے روایتی چین-امریکہ دوستی اور چین کے نسلی اعتبار سے متنوع صوبوں میں سے ایک کی بھرپور ثقافت کو پیش کیا گیا۔

"یوننان: ایک انتہائی شاندار زندگی" کے موضوع پر ہونے والی تقریب میں چین کےخوبصورت جنوب مغربی صوبے کی ثقافت کو پیش کیا گیا،  ہفتے کے روز اس ایونٹ میں تقریباً 15ہزارشرکانے شرکت کی۔ یوننان کے نائب گورنر وانگ ہاؤ نے ایک وفد کی قیادت کرتے ہوئے چینی سفارت خانے کا دورہ کیا جبکہ یوننان کے ثقافتی طائفے نے شاندار پرفارمنس پیش کی جس میں وسیع امکانات اور منفرد دلکشی کے ساتھ صوبے کی رنگا رنگ خوبصورتی کو پیش کیا گیا۔

سیشن میں 350 سے زائد مہمانوں نے شرکت کی  جن میں امریکی محکمہ خارجہ کے ڈپٹی اسسٹنٹ سیکرٹری رک واٹرز، محکمہ خزانہ میں مشرقی ایشیا دفتر کے ڈائریکٹر جوزف ڈکسن، سابق سیکرٹری دفاع ولیم کوہن اور غیر ملکی سفارت کار شامل تھے۔ وانگ نے اظہار خیال کرتے ہوئے یوننان کی سماجی و اقتصادی ترقی، کھلے پن، تاریخ، ثقافت اور نسلی خصوصیات کا خاکہ پیش کیا۔