بیجنگ (شِنہوا) چینی مین لینڈ کی ترجمان نے امریکہ پر زور دیا کہ وہ تائیوان کی علاقائی قیادت کے انتخابات 2024 میں مداخلت بند کرے۔ ریاستی کونسل کے تائیوان اموردفترکی ترجمان ژو فینگ لیان نے بدھ کو ایک پریس کانفرنس میں کہا کہ یہ انتخابات خالصتاً چین کا اندرونی معاملہ ہے جس میں کوئی بیرونی مداخلت نہیں ہونی چاہیے۔ اس بات کا ذکر کرتے ہوئے کہ سان فرانسسکو سربراہی اجلاس میں امریکہ نے تائیوان کے مسئلہ پر چین کے ساتھ سنجیدہ سیاسی عزم کا اظہار اور صدر جوبائیڈن نے واضح کیا کہ امریکہ "تائیوان کی آزادی" کی حمایت نہیں کرتا، ژو نے امریکہ پر زوردیا کہ وہ اپنے اس وعدے کی پاسداری کرے۔