بیجنگ(شِنہوا) چین نے امریکہ سے تائیوان کی آزادی کی حمایت نہ کرنے اور اس کو کسی بھی شکل میں مسلح نہ کرنے کے اپنے وعدوں کی پاسداری کرنے کا مطالبہ کیا ہے۔

وزارت قومی دفاع کے ترجمان وو چھیان نے یہ بیان تائیوان کو تقریباً36کروڑ ڈالر مالیت کے امریکی ہتھیاروں کی فروخت کی منظوری دیے جانے پر دیا۔

ترجمان نے کہا کہ ہم اس طرح کے ہتھیاروں کی فروخت کی سختی سے مخالفت کرتے ہیں  اور اس معاملے کو امریکہ کے ساتھ بھرپور طریقے سے اٹھایا گیا ہے۔

ترجمان نے کہا کہ حقیقت یہ ہے کہ جزیرے کی حکمران ڈیموکریٹک پروگریسو پارٹی طاقت کے ذریعے "تائیوان کی آزادی" حاصل کرنے کے لیے کوشاں ہے اور امریکہ  اسلحے کی فروخت کے ذریعے علیحدگی پسندی کی مدد کرنے کی ضد پر قائم ہے جو آبنائے تائیوان کے امن و استحکام کے لیے سب سے بڑا خطرہ ہے۔

ترجمان نے مزید کہا کہ پیپلز لبریشن آرمی "تائیوان کی آزادی"  کے لیے علیحدگی پسندوں کے تمام ترمنصوبوں کو ناکام بنانے کے لیے جنگی تیاریوں  میں اضافہ کرے  گی۔