بیجنگ (شِنہوا) چین کی وزارت تجارت نے کہا ہے کہ امریکی وزیر تجارت جینا ریمنڈو کے دورے پر چین کا کھلے پن اور استقبالیہ رویہ برقرار ہے اور وہ اس معاملے پر امریکہ سے رابطے میں ہے۔

وزارت تجارت کی ترجمان شو جوٹنگ نے ایک پریس کانفرنس میں کہا کہ چین، امریکہ کے ساتھ بات چیت اور تعمیری وعملی تعاون کو فروغ دیکر ایک دوسرے کے اقتصادی و تجارتی خدشات دور کرنے کے لئے پرعزم ہے۔

شو نے امریکی وزیر خزانہ جینٹ یلین کے حالیہ دورہ چین بارے سوالات کے جوابات بھی دیئے۔ 

ان سے سوال کیا گیا کہ اس دورے میں چین نے امریکی اقتصادی پابندیوں اور جبر بارے  چین کے خدشات کے جواب میں امریکہ سے کون سے عملی اقدامات کا کہا گیا ہے؟

شو نے کہا کہ حالیہ برسوں میں امریکہ نے  چینی اداروں کی بڑی تعداد کو قومی سلامتی اور انسانی حقوق سمیت مختلف بہانوں سے مختلف پابندیوں اور دباؤ کی بلیک لسٹ میں شامل کیا ہے جس سے ان چینی اداروں کے جائز حقوق اور مفادات کو زد پہنچی ہے۔

شو نے کہا کہ چین نے اس اقدام کی سختی سے مخالفت کرتے ہوئے مطالبہ کیا ہے کہ امریکہ فوری طور پر چینی کمپنیز کو بغیرکسی وجہ دباؤ میں لانا بند کرے، ان کے خلاف اپنی یک طرفہ پابندیوں کا خاتمہ کرے اور چین- امریکہ اقتصادی وتجارتی تعاون میں مثبت پیشرفت کرے۔