لاس اینجلس(شِنہوا) امریکی ریاست مونٹانا میں ٹِک ٹاک پر پابندی عائدکرنےکےمنصوبےکے خلاف ریاست کے ااٹارنی جنرل کے خلاف مقدمہ دائر کردیا گیا ہے،ٹِک ٹاک پرمواد بنانے والے پانچ افراد کی جانب سے دائر مقدمے میں کہا گیا ہے کہ پابندی سے مونٹانا کے رہائشیوں کو مقبول ایپ استعمال کرنے سے روکا جائے گا جوپہلی ترمیم میں دئے گئے حقوق کی خلاف ورزی ،غیر آئینی اور وفاقی قانون کی بھی خلاف ورزی ہے۔
ٹک ٹاک صارفین کی جانب سے یہ اقدام مونٹانا کے گورنر گریگ گیانفورٹ کے بدھ کے روز سینیٹ کے بل 419 پر دستخط کرنے کے بعد اٹھایا گیا ہے، جس سے مونٹانا ہر کسی کے لیے سوشل نیٹ ورک کے استعمال یا اس تک رسائی پر پابندی لگا نے والی پہلی امریکی ریاست بن گئی ہے۔
مقدمہ دائرکرنے والوں میں کاروباری خواتین، کھیتی باڑی، طالب علم اور عمررسیدہ افراد شامل ہیں جوٹک ٹاک پر ویڈیو بناتے ہیں،اپ لوڈ کرتے ہیں،دیکھتے اور آپس میں اشتراک کرتے ہیں۔