واشنگٹن(شِنہوا)امریکہ کی نائب صدر کملا ہیرس نے کہا ہے کہ انہوں نے آنیوالے صدارتی الیکشن میں پارٹی  کا امیدوار بننے کیلئے ڈیموکریٹک مندوبین کی کافی حمایت حاصل کر لی ہے۔

انہوں نے اپنی انتخابی مہم کی جانب سے بھیجے گئے ایک بیان میں لکھا کہ مجھے فخر ہے کہ میں نے اپنی پارٹی کی امیدوار بننے کے لیے درکار وسیع حمایت حاصل کر لی ہے اور میں جلد ہی باضابطہ طور پر نامزدگی قبول کرنے کی منتظر ہوں۔

کملا ہیرس کو ایوان نمائندگان کی سابق  سپیکر نینسی پلوسی سمیت متعدد اہم ڈیموکریٹک شخصیات کی حمایت حاصل ہو گئی ہے، جنہوں نے پارٹی پر زور دیا ہے کہ وہ سابق صدر اور ریپبلکن پارٹی کے صدارتی امیدوار ڈونلڈ ٹرمپ کو  زبردست شکست  دینے کے لئے متحد ہو جائیں اور آگے بڑھیں۔