ہانگ کانگ (شِنہوا) ہانگ کانگ انٹر نیشنل ائیر پورٹ کو 2022 میں ایک بار پھر دنیا کے مصروف ترین کارگو ہوائی اڈے کا نام دیا گیا ہے۔

 ائیرپورٹ کونسل انٹرنیشنل کی جانب سے جاری کردہ تازہ ترین اعداد و شمار کے مطابق اس ائیرپورٹ پر ایک سال کے دوران 42 لاکھ ٹن سامان کی نقل و حمل کی جاتی ہے۔

ہانگ کانگ ائیر پورٹ کے حکام نے کہا ہے کہ عالمی تجارت اور سپلائی چین میں جغرافیائی سیاسی تناؤ اور خلل کے باعث عالمی سطح پر مجموعی طور پر ائیر کارگو کے حجم میں کمی آئی ہے ۔اس کے باوجود ہانگ کانگ ائیرپورٹ نے 2022 میں اپنی پہلی پوزیشن برقرار رکھی ہے۔ 

ہانگ کانگ ائیر پورٹ پر ائیر کارگو کی خدمات کو بڑھانے کے لئے تھری رن وے سسٹم میں توسیع کے متوازی متعدد منصوبے جاری ہیں۔

ہانگ کانگ ائیرپورٹ اتھارٹی کے چیئرمین جیک سو نے کہا ہے کہ نوول کرونا وائرس وبا کے باعث عالمی ہوا بازی صنعت پر پڑنے والے اثرات کے باوجود ہانگ کانگ ائیرپورٹ کی کارگو کارکردگی گزشتہ چند سالوں کے دوران تسلسل کے ساتھ مضبوط رہی ہے جس سے اس کے وسیع نیٹ ورک اور اعلی کارکردگی کا فائدہ اٹھایا گیا ہے۔

انہوں نے مزید کہا  فضائی ٹریفک دنیا بھر میں بحال ہو نے سے ہانگ کانگ ائیرپورٹ پر کارگو کی نئی خدمات کی تکمیل کے ساتھ ہم اپنے کاروباری شراکت داروں کو دنیا کے سب سے بڑے ائیر کارگو مرکز کے طور پر ہانگ کانگ ائیرپورٹ کے کردار کو مستحکم کرنے کے لئے کام جاری رکھیں گے۔