ہانگ کانگ(شِنہوا) چین کے ہانگ کانگ خصوصی انتظامی خطے (ایچ کے ایس اے آر) حکومت کے مالیاتی سیکرٹری پال چھن نے کہاہے کہ ایچ کے ایس اے آر حکومت سٹاک کنیکٹ پروگرام کے لیے رینمنبی (آر ایم بی) کاؤنٹر شروع کرنے کی تیاری کر رہی ہے،جس کا مقصد آف شور اسٹاک کے اجراء اور لین دین کے لیے نیا محرک فراہم کرنا ہے۔

چھن نے ان خیالات کا اظہار گزشتہ روز پانچویں گوانگ ڈونگ-ہانگ کانگ-مکاؤ گریٹر بے ایریا (جی بی اے) کے مالیاتی ترقیاتی فورم سے خطاب کرتے ہوئے کیا۔

انہوں نے کہا کہ مارچ 2023 میں کچھ تقاضوں کو پورا کرنے والےایس ایس ای اے شیئر انڈیکس اور ایس زیڈ ایس ای کمپوزٹ انڈیکس کے اسٹاک کو نارتھ باؤنڈ ٹریڈنگ میں جبکہ اہلیت پر پورا اترنے والے اور ہانگ کانگ میں پرائمری لسٹڈ بین الاقوامی کمپنیوں کے حصص کو ساؤتھ باؤنڈ ٹریڈنگ میں شامل کیا گیا ہے۔

انہوں نے کہا کہ یہ ایک اہم سنگ میل ہے، جس سے مین لینڈ کے کاروباری اداروں کو بین الاقوامی فنڈز تک رسائی حاصل ہوگی اور ہانگ کانگ کو اعلیٰ معیار کے بین الاقوامی اداروں کی لسٹنگ میں مدد ملے گی۔

چھن نے کہا کہ جی بی اے اقتصادی لحاظ سے مضبوط ہے اور یہ کہ مستقبل میں، جی بی اے کے شہر ایک دوسرے کی اقتصادی طاقت سے فائدہ اٹھاتے ہوئے ایک دوسرے کی اقتصادی ترقی کو اعلیٰ معیار تک پہنچانے اور ملک کی کھلے پن کی معیشت میں اپنا حصہ ڈال سکیں گے ۔