بیجنگ(شِنہوا) چین نے بعض ممالک کی جانب سے ہانگ کانگ میں قومی سلامتی کے قانون پر کھلم کھلا تنقید کے ساتھ ساتھ خطے میں قانون کی حکمرانی میں مداخلت کی مذمت اور بھرپور مخالفت کی ہے۔
چینی وزارت خارجہ کی ترجمان ماؤ ننگ نے ان خیالات کا اظہار ہانگ کانگ پولیس کی جانب سے قومی سلامتی کے جرائم کے الزام میں بیرون ملک مقیم پانچ کارکنوں کے گرفتاری کے وارنٹ جاری کیے جانے کے بعد بعض امریکی اور برطانوی حکام کی مذمت سے متعلق ایک سوال کے جواب میں کیا۔
ماؤ نے کہا کہ چین مخالف پانچ فسادی جو بیرون ملک فرار ہیں، پر قومی سلامتی کو خطرے میں ڈالنے کا شبہ ہے ہانگ کانگ پولیس نے قانون کے مطابق گرفتاری کے وارنٹ جاری کیے ہیں۔
ترجمان نے کہا کہ یہ ایک ضروری اور جائز عمل ہے جو بین الاقوامی قانون اور روایتی طریقوں کے مطابق ہے۔ امریکہ اور برطانیہ سمیت دیگر ممالک کے قومی سلامتی کے قوانین بھی بیرون ملک موثر ہیں۔
