ہانگ کانگ (شِنہوا) ہانگ کانگ خصوصی انتظامی خطے کے چیف ایگزیکٹو جان لی نے ہانگ کانگ کی 7 ویں ضلع کونسل کے عام انتخابات میں منتخب شدہ 264 ارکان کو مبارکباد دی ہے۔

لی نے کہا کہ ضلع کونسل (ڈی سی) کا یہ انتخاب ضلعی حکمرانی کا نظام بہتر بنانے اور ضلع کونسلز میں اصلاحات کے بعد بڑے پیمانے پر منعقدہ پہلا انتخاب تھا۔

لی نے انتخابات کو انتہائی اہمیت کا حامل قرار دیتے ہوئے کہا کہ اس سے ضلع کونسلز کو ہانگ کانگ خصوصی انتظامی خطے کے بنیادی قانون کے آرٹیکل 97 کے تحت ضلعی مشاورت اور خدمات کے اداروں کی حیثیت سے اپنی پوزیشن پر واپسی اور "ہانگ کانگ کا انتظام محب وطن کے ہاتھ" کے اصول پر مکمل طور پر عملدرآمد میں مدد ملے گی۔

انہوں نے کہاکہ یہ ایک اعلیٰ معیار کا انتخاب تھا جس نے شفاف ، منصفانہ، صاف ستھرے، محفوظ اور منظم انداز میں انعقاد کے مجموعی مقاصد کو پورا کیا۔ اس سے بہترین انتخابی ماحول اور اصلاحات شدہ ضلع کونسل نظام کی افادیت سامنے آئی۔

انہوں نے کہا کہ انتخابی ماحول جاندار تھا اور تمام حلقوں میں مقابلہ ہوا ۔ امیدواروں نے ووٹ کے حصول کے لئے ہر ممکن کوشش کی ،اپنی بصیرت ، کامیابیوں اور کارکردگی پر ایک دوسرے سے مقابلہ کیا اور عوامی مسائل کا عملی حل پیش کیا۔