ہانگ کانگ (شِںہوا) ہانگ کانگ خصوصی انتظامی خطے 7 ویں ضلع کونسل کے عام انتخابات کے نتائج کا اعلان کردیا گیا ہے جس میں 176 ضلعی کمیٹیوں کے حلقہ کونسلر اور 88 جغرافیائی حلقہ کونسلر کا انتخاب عمل میں آیا ہے۔
انتخابی امور کمیشن کے چیئرمین ڈیوڈ لوک نے ایک پریس کانفرنس میں بتایا کہ جغرافیائی حلقوں میں 11 لاکھ 90 ہزار سے زائد رائے دہندگان نے حصہ لیا ۔ رائے شماری اور ووٹ کے گنتی کا عمل احسن طریقے سے مکمل ہوا اور تمام انتخابی انتظامات شفافیت، ایمانداری اور منصفانہ اصولوں کے تحت ہوئے۔
نئی مدت کی ضلع کونسلز (ڈی سیز) نامزد کردہ ، ضلعی کمیٹیوں کے حلقے، ضلعی کونسل کے جغرافیائی حلقہ اور عہدے دار ممبران پر مشتمل ہوں گی۔ ضلع کونسلر کی مجموعی تعداد 470 ہے ۔
ضلع کونسلز (ترمیمی) بل 2023 گزٹ کرنے کے بعد 10 جولائی سے نافذ کیا گیا تھا۔ ہانگ کانگ خصوصی انتظامی خطے کے ضلع کونسل نظام میں اصلاحات کا مقصد ضلعی حکمرانی کی سطح پر "ہانگ کانگ کا انتظام محب وطن کے پاس " کے اصول پر عمل درآمدکرنا ہے۔
اس میں ہانگ کانگ خصوصی انتظامی خطےکے بنیادی قانون کی دفعات پر سختی سے عملدرآمد اور ڈپٹی کمشنرز کے مشاورتی اور خدمات بارے امور کا مؤثر طریقے سے استعمال کیا گیا ہے۔
ہانگ کانگ خصوصی انتظامی خطے کے چیف ایگزیکٹو جان لی نے اتوار کی صبح اپنا ووٹ ڈالا تھا ۔
لی نے کہا کہ اصلاحات شدہ انتخابی نظام کے تحت ضلع کونسل کے تمام منتخب ارکان محب وطن ہوں گے جو اضلاع، ہانگ کانگ خصوصی انتظامی خطے اور ملک کی سلامتی و مفادات کا اجتماعی طور پر تحفظ کریں گے رہائشیوں کو سکون سے رہنے اور کام کی اجازت دیں گے اور ہانگ کانگ میں خوشحالی و استحکام یقینی بنائیں گے۔
