ہانگ کانگ (شِنہوا) ہانگ کانگ کی معیشت میں رواں سال کی تیسری سہ ماہی کے دوران بحالی کا سلسلہ برقرار رہا اور اس میں گزشتہ برس کی نسبت 4.1 فیصد اضافہ ہوا۔

ہانگ کانگ خصوصی انتظامی خطے کی حکومت کی جاری کردہ 2023 کی تیسری سہ ماہی کی اقتصادی رپورٹ کے مطابق شرح نمو دوسری سہ ماہی سے 1.5 فیصد زائد تھی۔

فائل فوٹو، چین کے جنوبی ہانگ کانگ کے وکٹوریہ پارک میں لوگ وسط خزاں لالٹین میلہ دیکھ رہے ہیں۔ (شِنہوا)

ہانگ کانگ خصوصی انتظامی خطے کی حکومت کے کھپت پر مبنی مختلف اقدامات کے سبب تیسری سہ ماہی کے دوران نجی کھپت میں گزشتہ برس کی نسبت 6.3 فیصد اضافہ ہوا جبکہ مجموعی طور پر سرمایہ کاری 18.4 فیصد بڑھی۔

اشیاء کی بیرونی طلب میں کمی کے سبب تیسری سہ ماہی کے دوران اشیاء کی مجموعی برآمدات میں گزشتہ برس کی نسبت 8.6 فیصد کی مزید کمی ہوئی۔

تیسری سہ ماہی کے دوران لیبر مارکیٹ میں مزید بہتری ہوئی ۔سیزن کے اعتبار سے ایڈجسٹ شدہ بے روزگاری کی شرح دوسری سہ ماہی میں 2.9 فیصد سے گھٹ کر 2.8 فیصد رہ گئی اور بیروزگاری کی شرح 1.1 فیصد سے کم ہو کر 1 فیصد ہوگئی۔

فائل فوٹو، چین کے جنوبی ہانگ کانگ کی وکٹوریہ بندرگاہ میں ایک کنٹینر جہاز رواں دواں ہے۔ (شِنہوا)

ہانگ کانگ خصوصی انتظامی خطے کی حکومت نے 2023 کے لئے حقیقی جی ڈی پی کی شرح بارے پیش گوئی 4 فیصد سے کم کرکے 3.2 فیصد کردی ہے۔