ہانگ کانگ(شِنہوا) ہانگ کانگ میں منعقدہ ایک فورم کے مقررین نے بیلٹ اینڈ روڈ اینی شیٹو (بی آر آئی) کی 10 سالہ ترقی میں کامیابیوں کا جائزہ لیا اور باہمی فائدے اور ہمہ جہت نتائج کے امکانات پر مکمل اعتماد کا اظہار کیا۔

ہانگ کانگ خصوصی انتظامی خطے (ایچ کے ایس اے آر) کے چیف ایگزیکٹو جان لی نے بی آر آئی۔کامیابیوں کی دہائی اور اعلیٰ معیار کی ترقی کے امکانات کے موضوع پر بوہینیا ثقافتی فورم میں کہا کہ میری ٹیم اور میں ہانگ کانگ کو دیگر بیلٹ اینڈ روڈ ممالک اور خطوں میں فروغ دینے کے منتظر ہیں۔

انہوں نے کہا کہ ہانگ کانگ اپنی خصوصیات کے ساتھ بہترین کر تا رہے گا۔ ممالک اور معیشتوں، کمپنیز اور لوگوں کو ہر جگہ جوڑ تا رہے گا تاکہ ہمارے ملک اور دنیا کی اعلیٰ معیار کی ترقی کو آگے بڑھایا جا سکے۔

ہانگ کانگ ایس اے آر میں چینی وزارت خارجہ کے کمشنر لیو گوانگ یوآن نے فورم میں کہا کہ گزشتہ ایک دہائی کے دوران بی آر آئی کو مختلف ممالک کی ترقیاتی حکمت عملیوں اور مختلف علاقائی و بین الاقوامی ترقیاتی ایجنڈوں کے ساتھ مئو ثر طریقے سے ہم آہنگ کیا گیا ہے۔

انہوں نے کہا کہ بیلٹ اینڈ روڈ تعاون کئی کثیر الجہتی دستاویزات میں بھی لکھا گیا ہے جس سے ظاہر ہوتا ہے کہ چین ایک دوسرے کے ہاتھ چھوڑنے کی بجائے ایک دوسرے کے ساتھ ہاتھ ملانے، دیواریں کھڑی کرنے کی بجائے دیواریں گرانے کی امید رکھتا ہے اور چین تمام ممالک کے ساتھ مل کر انسانیت کے مشترکہ مستقبل کے ساتھ ایک کمیونٹی کی تعمیر کے لئے پرعزم ہے۔

بوہینیا کلچر ہولڈنگز لمیٹڈ کے جنرل منیجر وین ہونگ وو نے فورم میں کہا کہ تمام فریقین کی مشترکہ کوششوں سے گزشتہ ایک دہائی کے دوران بی آر آئی نے ترقی کی ہے، وژن سے حقیقت کی طرف بڑھ رہا ہے اور بی آر آئی کا عالمی اثر و رسوخ بڑھتا جا رہا ہے۔