بیجنگ(شِنہوا )چین نے کہا ہے کہ وہ ہانگ کانگ کے قومی سلامتی کے قانون کے خلاف انفرادی ممالک کی طرف سے الزام تراشی اور ہانگ کانگ ایس اے آر میں قانون کی حکمرانی میں مداخلت کی سختی سے مذمت اوربھرپور مخالفت کرتا ہے۔ وزارت خارجہ کی ترجمان ماو ننگ نے ان خیالات کا اظہار منگل کو روزانہ کی نیوز بریفنگ میں امریکہ، برطانیہ اورآسٹریلیا کی جانب سیہانگ کانگ پولیس کے 3جولائی کے فیصلے پر تشویش اور مذمت کے اظہار کے حوالے سے ایک سوال کے جواب میں کیا،جس میں بیرون ملک فرارکیون یام سمیت آٹھ چین مخالف شرپسندوں کے گرفتاری کے وارنٹ جاری کیے گئے ہیں۔اس بات کا ذکرکرتے ہوئے کہ کیون یام اور دیگر طویل عرصے سے ہانگ کانگ کو غیر مستحکم کرنے کے مقصد سے چین مخالف سرگرمیوں میں ملوث رہے اور انہوں نے مشکلات پیدا کرنے کے لیے اس سے بھی زیادہ اشتعال انگیز طریقے سے کام کیا ،بیرون ملک فرار ہونے کے بعد بھی وہ ملک کی تقسیم اور ریاستی طاقت کے خلاف اپنی تخریبی کارروائیوں کو جاری اور ہانگ کانگ کے معاملات میں مداخلت کی کوششوں میں چین مخالف بیرونی قوتوں کے مہرے کے طور پر کام کررہے ہیں، ماو نے کہا کہ ان کے مکروہ اقدامات ہانگ کانگ کے قومی سلامتی کے قانون کی سنگین خلاف ورزی ہیں،جس سے "ایک ملک، دو نظام" کے بنیادی عنصرکو شدید خطرہ لاحق اوریہ ہانگ کانگ کے بنیادی مفادات کے لیے شدید نقصان اور چین کی خودمختاری، سلامتی اور ترقی کے مفادات کے لئے شدید خطرات کاباعث ہیں۔