ہانگ کانگ(شِنہوا) ہانگ کانگ خصوصی انتظامی علاقے (ایچ کے ایس اے آر) کے چیف ایگزیکٹو جان لی نے ایک پریس کانفرنس کے دوران ضلعی سطح پر گورننس کو بہتر بنانے کی تجاویز کا اعلان کیا۔
لی نے 'ہانگ کانگ کا انتظام کرنے والے محب وطن' کے اصول کو مکمل طور پر نافذ کرنے اور ضلعی کونسلز کو ہانگ کانگ کے رہائشیوں کی فلاح و بہبود کی خدمت اور فروغ کے صحیح راستے پر واپس لانے کی ضرورت بارے زور دیا۔
ضلعی سطح پر گورننس کو بہتر بنانے کی تجاویز تین اصولوں پر مبنی ہیں۔اس میں قومی سلامتی کو اولین ترجیح کے طور پر رکھنا اور ایک ملک، دو نظام کے اصول کو مکمل اور ایمانداری سے نافذ کرنا شامل ہے۔
اس کے علاوہ اس میں 'ہانگ کانگ کا انتظام کرنے والے محب وطن' کے اصول پر مکمل طور پر عمل درآمد کرنا اور ایگزیکٹو قیادت کی حامل حکمرانی کا اظہار کر نا ہے۔
انہوں نے کہا کہ ضلعی انتظامیہ کے تازہ ترین جائزے میں بنیادی طور پر دو اہم حصے شامل ہیں۔ اس میں نظام کو درست کرنے کے لئے کاموں کو بہتر بنانا اور ضلعی کونسلز کی ساخت میں اصلاحات کرنا اور اس کی افادیت کو بڑھانے کے لئے علاقائی گورننس ڈھانچے کو بہتر بنانا شامل ہے۔
