ہانگ ژو (شِنہوا) چین کے مشرقی صوبے ژے جیانگ کے شہر ہانگ ژو کے ضلع شیاؤ شان میں ہانگ ژو ایشیئن پیرا گیمز کی مشعل ریلے ختم ہوگئی۔

مشعل ریلے کے آخری مرحلے میں مجموعی طور پر 127 کھلاڑیوں نے حصہ لیا ان میں اندرون منگولیا سے تعلق رکھنے والے اور ٹوکیو پیرالمپکس گیمز میں نئے عالمی ریکارڈ کے ساتھ جیولین چیمپیئن بننے والے سن پھنگ شیانگ پہلے مشعل بردار تھے۔

ریو اور ٹوکیو پیرالمپکس میں 3 چاندی اور 2 کانسی کے تمغے جیتنے والے شو ہائی جیاؤ آخری مشعل بردار تھے۔ وہ ہانگ ژو ایشیئن پیرا گیمز میں بھی شرکت کررہے ہیں۔

شو نے مشعل کو ہانگ ژو اولمپک سینٹر سوئمنگ اسٹیڈیم کے ایسٹ اسکوائر تک پہنچایا اور شعلہ روشن کیا۔

اس مشعل کو افتتاحی تقریب میں مرکزی بڑی مشعل جلانے میں استعمال کیا جائے گا۔ ہانگ ژو ایشیئن پیرا گیمز باضابطہ طور پر 22 اکتوبر سے شروع ہوگئے ہیں۔