ہانگژو(شِنہوا) چین کے مشرقی صوبے ژی جیانگ کے دارالحکومت ہانگژو میں تیسرے بین الاقوامی اینٹی ڈوپنگ سمپوزیم کا انعقادکیا گیا،چائنہ اینٹی ڈوپنگ ایجنسی (سی ایچ آئی این اے ڈی اے) کے زیراہتمام ہونے والے اس سمپوزیم میں اینٹی ڈوپنگ  کے عالمی  ماہرین نے قومی اینٹی ڈوپنگ اداروں کی انتظامی صلاحیت کو بڑھانے پر تبادلہ خیال کیا۔

پیر کے دن کو اختتام پذیر ہونے والے، دو روزہ سمپوزیم میں ورلڈ اینٹی ڈوپنگ ایجنسی (واڈا) کے صدر ویٹولڈ بینکا نے اظہار خیال کیا۔انہوں نے کہا کہ گزشتہ سال سے ہم یورپ میں این اے ڈی اوز اور قانون نافذ کرنے والے اداروں کے اینٹی ڈوپنگ ماہرین کے ساتھ کام کررہے ہیں  تاکہ ایک اینٹی ڈوپنگ انٹیلی جنس اور تحقیقاتی نیٹ ورک بنایا جا سکے۔

انہوں نے کہا کہ اس پراجیکٹ سے شروع سے ہی ٹھوس کامیابی حاصل کی گئی ہے،کئی غیر قانونی سٹیرائیڈ لیبارٹریوں کو ختم اور کارکردگی بڑھانے والی دوائیں ضبط کی گئی ہیں اس عمل میں متعدد ڈوپنگ ایتھلیٹس کو بھی پکڑا گیا ہے۔

چین کی جنرل ایڈمنسٹریشن آف اسپورٹ کے ڈپٹی ڈائریکٹر لی ینگ چھوان نے اینٹی ڈوپنگ کوششوں کے حوالے سے اپنے  عزم کا اعادہ کرتےہوئے ڈوپنگ کے حوالےسے "صفر رواداری" اور ڈوپنگ مسائل پر "صفر کیسز " کا مطالبہ کیا۔

سمپوزیم کے موقع پر، چائنہ دا نے اپنے ویتنامی ہم منصب کے ساتھ ایک معاہدے پر دستخط کیے۔ ایونٹ میں بین الاقوامی تنظیموں اور قومی اینٹی ڈوپنگ ایجنسیوں کے 542 شرکاء نے شرکت کی، جن میں سے 433 ورچوئلی طور سے شریک تھے۔