شنگھائی(شِنہوا)  سائنسدانوں نے کہا ہے کہ  انسانوں کے آباؤ اجداد ایک بہت بڑے بحران سے بچ نکلنے میں کامیاب ہوگئے تھے جس نے انہیں تقریباً 9لاکھ  سال قبل معدومیت کے دہانے پر پہنچا دیا تھا۔

جرنل سائنس میں جمعہ کو شائع ہونے والی ایک تحقیق میں  بتایا گیا ہے کہ ابتدائی انسانوں کی آبادی کا تقریباً 98.7 فیصد حصہ "بوٹل نیک" کے واقعے کے آغاز میں ختم ہوگیا تھا جن  میں سے صرف 1ہزار280 افراد ہی تقریباً1لاکھ 17ہزار سالوں تک  آبادی کو برقرار رکھنے کے لیے رہ گئے تھے۔

چین، اٹلی اور امریکی سائنسدانوں کے ایک گروپ نےماضی کی آبادی کے حجم کا اندازہ لگانے والا ایک نیا جینومک طریقہ فٹ کول تیار کیا ہے اوراس ماڈل کا استعمال افریقی اور غیر افریقی آبادی کے 3ہزار154 افراد کے جینومک  ترتیب کا تجزیہ کرنے کے لیے کیا گیا۔

نتائج سے معلوم ہوا کہ ابتدائی انسانی آباؤ اجداد ایک طویل اور شدید رکاوٹ سے گزرے  جس نے جدید انسانوں کے جینیاتی تنوع کو تقریباً 66 فیصد تک کم کر دیا  اور یہ ایونٹ دو پروجنیٹر کروموسوم کے فیوژن کے ساتھ مطابقت رکھتا تھا، جو موجودہ انسانوں میں کروموسوم 2 کے طور پر پہچانا جاتا ہے۔ 

یہ کمی موسمیاتی  تبدیلیوں کی وجہ سے ہوسکتی ہے  جس نے گلیشیئشن کو سمندری سطح کے درجہ حرارت میں کمی اور افریقہ اور یوریشیا میں خشک سالی کی ممکنہ طویل مدت جیسے طویل مدتی ایونٹس میں تبدیل کر دیا۔