بیجنگ(شِنہوا) چین کے صدر شی جن پھنگ کے انسانی حقوق پرخطابات کا منتخب مجموعہ عربی، پرتگالی، جرمن، سواہلی، اردو اور ویتنامی زبانوں میں شائع کردیا گیا ہے۔ کمیونسٹ پارٹی آف چائنہ کی مرکزی کمیٹی کے انسٹی ٹیوٹ آف پارٹی ہسٹری اینڈ لٹریچر کی طرف سے مرتب کردہ  اس کتاب میں انسانی حقوق کے احترام اور تحفظ کے بارے میں صدرشی جن پھنگ کے خیالات اور آرا کومنظم طریقے سے ریکارڈ کرنے کے لیے نو موضوعات کا استعمال کیا گیا ہے۔ غیر ملکی زبانوں کے ورژن فارن لینگوئیجز پریس کی جانب سے شائع کیے گئے ہیں جن کا مقصد بیرون ملک قارئین کو انسانی حقوق کے بارے میں صدرشی کے خیالات کو  سمجھنے میں مدد فراہم کرنا اور یہ کہ چین نے انسانی حقوق کے احترام اور تحفظ کے لیے کیا کوششیں کیں اور اس کی جانب سے عالمی انسانی حقوق کی بہتری کے لیے کیا تجاویزدی گئی ہیں۔