بیجنگ (شِنہوا) انسانیت تاریخ کے ایک اور دوراہے پر کھڑی ہے۔  اس اتحاد و تقسیم، کھلنے اور بند ہونے اور تعاون و محاذ آرائی کے درمیان میں انتخاب تمام ممالک کی دانشمندی کا امتحان ہے۔

یہ بات چین کی ریاستی کونسل کے دفتر اطلاعات کے جاری کردہ ایک وائٹ پیپر میں کہی گئی ہے۔

"مشترکہ مستقبل کے ساتھ عالمی برادری، چینی تجاویز و اقدامات" کے عنوان سے شائع وائٹ پیپر میں کہا گیا ہے کہ ایک ہی سیارے پر رہنے والے تمام ممالک مشترکہ مفادات، ذمہ داری اور تقدیر کےساتھ ابھرتے معاشرے کے رکن ہیں جن کی فلاح و بہبود اور سلامتی ایک دوسرے سے منسلک ہے۔

وائٹ پیپر کے مطابق ہر ملک، عوام اور فرد کی خواہشات پوری کرنا اس وقت ممکن ہے جب انسانیت کے اجتماعی مستقبل پر مناسب توجہ دی جائے گی اور اس کے لئے واحد صحیح انتخاب سب کے فائدے کے لیے ملکر کام کرنا ہے۔

دستاویز میں کہا گیا ہے کہ عالمی بحرانوں کا مقابلہ کرتے دنیا کے 190 سے زائد ممالک ایک ہی بڑی کشتی کے سوار ہیں۔

انسانیت درپیش بحرانوں سے اس وقت نکل سکتی ہے اور ایک بہتر مستقبل کی طرف بڑھ سکتی ہے جب تمام ممالک ملکر کام کریں ، انفرادی مفادات کو سب کے مفادات سے ہم آہنگ کریں اور حقیقی معنوں میں مشترکہ مستقبل کے ساتھ عالمی برادری قائم کریں۔

وائٹ پیپر کے مطابق یہ رائے تیزی سے مستحکم ہورہی ہے کہ تمام مضبوط ممالک بالادستی کے خواہش مند ہیں ۔ بڑی طاقت کا جنون اور زیروسم ذہنیت وقت کے تقاضوں سے متصادم ہے۔ اس وقت انسانیت کو نئے خیالات کی اشد ضرورت ہے جو مثبت ترقی کرے اور مثبت تاریخی رجحانات سے مطابقت رکھتے ہوں۔

دستاویز کے مطابق چین نے مساوات اور انصاف کی مستقل حمایت کی ہے۔ وہ دیگر ممالک کے ساتھ دوستانہ تعاون کے لئے پرعزم ہے۔ اپنی ترقی کو مستقل بنیادوں پر عالمی ترقی اور چینی عوام کے مفادات کو دنیا بھر کے تمام لوگوں کے مشترکہ مفادات کے ساتھ ہم آہنگ کرتا ہے۔

وائٹ پیپر میں کہا گیا ہے کہ جب دنیا پھلتی پھولتی ہے تو چین پھلتا پھولتا ہے اور اسی طرح جب چین ترقی کرتا ہے تو دنیا ترقی کرتی ہے۔