بیجنگ (شِنہوا) چینی صدر شی جن پھنگ نے کہا ہے کہ انسانیت کے مشترکہ مستقبل پر مبنی کمیونٹی کا قیام ایشیا سے شروع ہونا چاہیئے۔

یہ بات انہوں نے ویتنام کے دورے سے قبل ویتنام کے اخبار نہان دان میں منگل کو شائع اپنے ایک مضمون میں  کہی جس کا عنوان تھا "مشترکہ مستقبل کے ساتھ ایسی چین۔ ویتنام کمیونٹی کی تعمیر جو اسٹریٹجک اہمیت کی حامل ہو اور ہماری جدیدیت کی مہم میں ایک نیا باب رقم کرے" ۔

چینی صدر نے کہا کہ انہیں انسانیت کے مشترکہ مستقبل پر مبنی کمیونٹی کے وژن سمیت ،بیلٹ اینڈ روڈ انیشی ایٹو(بی آر آئی) اور ہمسایہ ممالک کے بارے میں چین کی خارجہ پالیسی میں ہم آہنگی، خلوص، باہمی فائدے اور جامعیت کےاصول  پیش کئے ہوئے 10 برس ہوچکے ہیں ۔ انہوں نے کہا کہ  انسانیت کے مشترکہ مستقبل کے ساتھ ایک کمیونٹی کی تعمیر کا آغاز ایشیا سے ہونا چاہئے۔

صدر شی نے کہا کہ ایشیا ہمارا مشترکہ گھر ہے۔ ہمسایہ ممالک بدلے نہیں جاسکتے اپنے پڑوسی کی مدد کرنا خود کی مدد کرنا ہے اور اچھے پڑوسی ایک دوسرے کےلیے نیک خواہشات رکھتے ہیں۔

چینی صدر شی جن پھنگ نے کہا کہ چین اپنی ترقی کو اپنے ہمسایہ ممالک کے ساتھ بہتر طور پر ہم آہنگ کرنے اور مشترکہ مستقبل کے ساتھ ایک کمیونٹی کے قیام اور سب کو بہتر زندگی فراہم کرنے کے لئے ان کے ساتھ ملکر کام کرنے کو تیار ہے۔