ڈیٹرائٹ،امریکہ  (شِنہوا) ایشیا پیسیفک اکنامک کوآپریشن (اے پی ای سی) کے وزرائے تجارت نے اپنے دو روزہ اجلاس کے اختتام پر مشترکہ چیلنجوں سے نمٹنے کے لیے اپنے عزم کا اظہار کیاہے۔ ان چیلنجز میں ماحولیات، غذائی تحفظ، سپلائی چین میں رکاوٹیں اور کوویڈ-19 کے اثرات شامل ہیں۔ اجلاس کی چیئر امریکی تجارتی نمائندہ کیتھرین تائی نے ایک بیان میں کہا کہ "سب کے لیے ایک لچکدار اور پائیدار مستقبل کی تخلیق"کے تھیم  اور ایک جامع اے پی ای سی ریجن کی تعمیر کی پالیسی ترجیحات کو اجاگر کرتے ہوئےاے پی ای سی 2023 میں ایشیا بحرالکاہل کے خطے میں پائیدار اور جامع سرمایہ کاری اور تجارت کو آگے بڑھانے میں اے پی ای سی کے اہم کردار پر تبادلہ خیال کیا گیا۔ بیان میں کہا گیا ہے کہ وزرائے تجارت نے بائیو سرکلر-گرین اکانومی پر بنکاک کے اہداف کے لیے اپنے رہنماؤں کے 2022 کے عزم اور اے پی ای سی  پتراجایا ویژن 2040 کے حصول کے عزم  کا اعادہ کیا۔ اجلاس میں  کثیر الجہتی تجارتی نظام کی اجتماعی حمایت اور عالمی تجارتی تنظیم کے تمام امور  کو بہتر بنانے کے لیے ضروری اصلاحات کی اہمیت کو بھی اجاگر کیا۔