لاس اینجلس(شِنہوا)  اسپیس ایکس نے امریکی خلائی فورس کے لیے جدید موسمی سیٹلائٹ مشن خلا میں بھیج دیا ہے ۔  فالکن 9 راکٹ پیسیفک ٹائم  کے مطابق صبح7بج کر25منٹ پر کیلیفورنیا کے وینڈنبرگ اسپیس فورس بیس سے روانہ ہوا۔ فالکن 9 کی پہلی منزل بحفاظت زمین پر واپس آئی اورروانگی  کے تقریباً آٹھ منٹ بعد وینڈن برگ کے لینڈنگ زون میں اتر گئی۔ کوڈ نام یو ایس ایس ایف-62 کے تحت مشن کے ذریعے ویدر سسٹم فالو آن ، مائیکرو ویو (ڈبلیو ایس ایف -ایم) سیٹلائٹ کو زمین کے نچلے مدار میں بھیجاگیا ہے،بعدازاں اسپیس ایکس نےسیٹلائٹ کے کامیابی سے مدار میں داخل ہونے کی تصدیق کی۔