رم اللہ/غزہ(شِنہوا)اسرائیلی فوج نے مغربی کنارے میں اسلامی مزاحمتی تحریک (حماس) اور فلسطینی اسلامی جہاد کے ارکان سمیت 20 فلسطینیوں کو گرفتار کر لیا۔

 فلسطینی قیدیوں کی کلب ایسوسی ایشن نامی غیر سرکاری تنظیم نے شِنہوا کو بھیجے گئے ایک بیان میں کہا کہ اسرائیلی فوج نے مغربی کنارے کے شہروں رم اللہ، جنین، نابلس اور الخلیل میں درجنوں مکانات پر دھاوا بولا۔

بیان میں کہا گیا ہے کہ 20 فلسطینیوں کو ان کے گھروں سے گرفتار کیا گیا جن میں سابق فلسطینی قیدی اور حماس اور اسلامی جہاد کے ارکان بھی شامل ہیں۔

دریں اثناء اسرائیلی فوج کے ترجمان نے ایک بیان میں کہا ہے کہ داخلی سلامتی کے محکمے اور اسرائیلی پولیس کے تعاون سے اسرائیلی فوج نے مطلوب متعدد فلسطینیوں کو گرفتار کر کے اسلحہ، گولہ بارود اور فوجی ساز و سامان ضبط کر لیا۔

 غزہ میں حماس کے ترجمان عبدالطیف القنوعہ نے ایک پریس بیان میں حماس اور اسلامی جہاد کے ارکان کی گرفتاری کی مذمت کرتے ہوئے کہا کہ یہ فلسطینی عوام کی خواہشات کو مجروح کرنے کی ایک مایوس کن کوشش ہے۔