یروشلم (شِنہوا) اسرائیل نے اقوام متحدہ (یو این) کی سلامتی کونسل کی طرف سے اسرائیل-حماس تنازعہ میں انسانی بنیادوں پر جنگ بندی  کے مطالبے کو مسترد کر دیا۔

اسرائیلی وزارت خارجہ کے ترجمان لیور ہیئت نے ایک بیان میں کہا کہ توسیع شدہ  جنگ بندی اس وقت تک ناقابل عمل ہے جب تک کہ 239 مغوی حماس کے پاس ہیں۔

ترجمان نے اقوام متحدہ کی سلامتی کونسل سے 7 اکتوبر کو اسرائیل پر اچانک حملے کے لیے "حماس کی واضح مذمت" کرنے کا مطالبہ کیا جس میں تقریباً 1ہزار200افراد ہلاک ہوئے، جن میں زیادہ تر عام شہری تھے۔

اقوام متحدہ کی سلامتی کونسل نے بدھ کے روز ایک قرار داد منظور کی جس میں " انسانی ہمدردی کی بنیادوں پر غزہ کی پٹی میں فوری اور توسیع شدہ  جنگ بندی اور امدادہ راہداری کھولنے" کا مطالبہ کیا گیا تاکہ محصور فلسطینی علاقےمیں شہریوں تک فوری ضرورت کی امداد پہنچ سکے۔