غزہ(شِنہوا) غزہ کی پٹی میں جاری اسرائیلی حملوں میں جاں بحق فلسطینیوں کی تعداد بڑھ کر 33ہزار 899 ہو گئی ہے۔ حماس کے زیر انتظام وزارت صحت نے بدھ کو جاری ایک پریس بیان میں بتایا کہ  گزشتہ 24 گھنٹوں کے دوران اسرائیلی حملوں سے 56 فلسطینی جاں بحق اور 89 زخمی ہوئے جس سے اسرائیل اور حماس کے درمیان لڑائی شروع ہونے کے بعد سے اب تک ہلاکتوں کی مجموعی تعداد 33ہزار899 اور زخمیوں کی تعداد 76ہزار664 تک جاپہنچی ہے۔

بیان میں کہا گیا ہے کہ شدید بمباری اور امدادی عملے کی کمی کے باعث کچھ متاثرین تاحال ملبے تلے دبے ہوئے ہیں۔