نئی دہلی(شِنہوا) بھارت کی جنوب مغربی ریاست کرناٹک میں جمعرات کو ایک کار سڑک پر کھڑے ایک ٹینکر ٹرک سے ٹکرا گئی جس کے نتیجے میں کم سےکم 13 افراد ہلاک ہو گئے۔

یہ حادثہ کرناٹک کے دارالحکومت بنگلورو سے تقریباً 62 کلومیٹر شمال میں چکبالا پور ضلع میں بنگلور-حیدرآباد قومی شاہراہ پر پیش آیا۔

ایک پولیس اہلکار نے بتایا کہ ایک تیز رفتار کار جس میں 13 افراد سوار تھے، چکبالا پور میں سڑک کنارے کھڑے ایک  ٹینکر ٹرک سے ٹکرا گئی جس سے 12 افراد موقع پر ہی ہلاک اور ایک زخمی ہوا جس نے بعد میں ہسپتال میں دم توڑ دیا۔

پولیس کے مطابق بدقسمت کار مسافروں کو لے کر ریاست آندھرا پردیش کے ضلع اننت پور سے بنگلورو جا رہی تھی۔

پولیس کی جانب سے کی گئی ابتدائی تحقیقات کے مطابق حادثہ دھند اور کم حد نگاہ کے باعث پیش آیا۔