بیجنگ(شِنہوا)چین نے کہا ہے کہ وہ قانون کے نفاذ اور سیکورٹی تعاون مضبوط بنانے کے لیے تمام شرکاء کے ساتھ مل کر کام کرنے کا خواہاں اوربحرالکاہل کے جزائر پر مشتمل ممالک کی پیشہ ورانہ قانون کے نفاذ، جرائم کے خلاف جنگ اور آپریشن کمانڈ صلاحیتوں کو بہتر بنانے میں مدد کرنے کے لیے تیار ہے۔
ان خیالات کا اظہار ریاستی کونسلر اور عوامی سلامتی کے وزیر وانگ شیاؤہونگ نے بیجنگ میں چین اور بحرالکاہل کے جزائر پر مشتمل ممالک کے درمیان پولیس کی صلاحیت میں اضافے اور تعاون پر ہونے والے دوسرے وزارتی ڈائیلاگ سے خطاب کرتے ہوئے کیا۔
ڈائیلاگ کی مشترکہ صدارت وانگ اور ساموا کے وزیر برائے پولیس و جیل خانہ جات فاولو ہیری جیفری شسٹر نے کی۔ سولومن جزائر، ٹونگا، کریباتی، وانواتو، پاپوا نیو گنی اور جزائر کوک کے وفود نے ڈائیلاگ میں شرکت کی۔ وانگ نے کہا کہ چین بحرالکاہل کے جزائر پر مشتمل ممالک کے ساتھ دوستانہ اور تعاون پر مبنی تعلقات کو مزید مضبوط کرنے اور مشترکہ طور پر پیشہ ورانہ مہارت، کارکردگی اور دوستی اور فراخدلی ، شفافیت اور خیر سگالی کے اصولوں کے مطابق سیکورٹی کے حوالے سے ہم نصیب مستقبل کے ساتھ قریبی برادری کی تعمیر کے لیے تیار ہے۔
