ہانگ کانگ(شِنہوا) ہانگ کانگ خصوصی انتظامی علاقے (ایچ کے ایس اے آر) کے بیلٹ اینڈ روڈ کمشنر نکولس ہو نے کہا ہے کہ بیلٹ اینڈ روڈ منصوبے (بی آر آئی) میں بھرپور شمولیت ہانگ کانگ کے لیے لامحدود کاروباری مواقع لائے گی اور اس کا مستقبل امیدوں سے بھرپور ہو گا۔

شِنہوا کو ایک انٹرویو میں انہوں نے کہا کہ ایچ کے ایس اے آر حکومت "ایک ملک، دو نظام" کی ادارہ جاتی  سہولیات سے فائدہ اٹھانا جاری رکھے گی، بی آر آئی میں فعال طور پر شامل ہو گی، مجموعی قومی ترقی میں ضم اور ملک کی "دوہری گردش" کی ترقی میں فعال طور پر حصہ لے گی۔ جس میں ملکی اور غیر ملکی دونوں مارکیٹیں شامل ہیں۔

10 سال پہلے شروع ہونے کے بعد سے بی آر آئی خیالات سے عملی شکل، وژن سے حقیقت  اور ایک عمومی فریم ورک سے ٹھوس منصوبوں میں تبدیل ہوا ہے۔ بین الاقوامی برادری کی طرف سے عوام کی بھلائی اور تعاون کے پلیٹ فارم کے طور پر اس کا خیرمقدم کیا گیا ہے۔

بی آر آئی کے مواقع سے فائدہ اٹھانے  کے لیے ایچ کے ایس اے آرحکومت نے 2016 میں بیلٹ اینڈ روڈ آفس قائم کیا تھا۔ کوویڈ وبا جیسے عوامل سے درپیش چیلنجز کے باوجود گزشتہ دہائی کے دوران  ایچ کے ایس اے آرحکومت بی آر آئی  میں فعال طور پر شریک رہی ہے۔ 

ہو نے کہا کہ  ان کے خیال میں بی آر آئی میں بھرپور طریقے سے حصہ لینے پر ہانگ کانگ کو ماحول دوست ترقی میں واضح فوائد حاصل ہیں۔