بیجنگ(شِنہوا)چین کی جانب سے نومبر میں وبائی امراض کے حوالے سے اپنیردعمل کو بہتر بنائے جانے کے بعد چند ہفتوں تک بیجنگ میں کوویڈ-19 وائرس کی کوئی نئی شکل سامنے نہیں آئی۔جریدے  لانسیٹ میں شائع ہونے والی اس تحقیق کے مطابق چین کی اکیڈمی آف سائنسز اور بیجنگ سنٹر فار ڈیزیز پریوینشن اینڈ کنٹرول کے محققین نے 14 نومبر سے 20 دسمبر تک بیجنگ سے حاصل کیے گئے 413 نئے نمونوں کی جینیاتی  ساخت کو ترتیب دیا جن میں 350 مقامی کیسز اور 63 درآمدی کیسز شامل تھے۔ تحقیق سے معلوم ہوا کہ  بیجنگ میں 14 نومبر کے بعد سے موجودہ وبا میں اومی کرون کی مختلف اقسام بی ایف 7 اور بی اے 5.2 کے کیسزکی تعداد زیادہ رہی جومقامی کیسزکا 90فیصد تھے اوراس بات کا کوئی ثبوت سامنے نہیں آیا کہ  وائرس کی نئی قسمیں سامنے آئی ہیں۔