بیجنگ (شِنہوا) بیجنگ اسٹاک ایکسچینج میں اندراج شدہ تقریباً 90 فیصد کمپنیوں نے رواں سال کی تیسری سہ ماہی میں منافع حاصل کیا۔

بیجنگ اسٹاک ایکسچینج کے اعداد و شمار کے مطابق کمپنیوں کو ابتدائی 9 ماہ کے دوران 120.35 ارب یوآن (تقریباً 16.76 ارب امریکی ڈالر) کی آمدن ہوئی جو گزشتہ برس کی نسبت 2.59 فیصد زائد ہے۔ 

اندراج شدہ کمپنیوں میں نصف کے خالص منافع میں 9 ماہ کے دوران گزشتہ برس کی نسبت اضافہ ہوا، ان میں سے 26 کمپنیوں میں اضافے کی شرح 50 فیصد سے زائد رہی۔ 

اسٹاک ایکسچینج نے توقع ظاہر کی ہے کہ اندراج شدہ کمپنیاں آخری سہ ماہی میں بہتر منافع حاصل کریں گی۔

کمپنیوں نے ابتدائی 3 سہ ماہی میں تحقیق اور ترقی (آر اینڈ ڈی) میں سرمایہ کاری میں اضافہ کیاجس سے مجموعی تحقیق و ترقی اخراجات 5.19 ارب یوآن تک پہنچ گئے جو گزشتہ برس کی نسبت 8 فیصد زائد ہیں۔