بیجنگ (شِنہوا) بیجنگ کے ضلع فینگ تائی کے ایک اسپتال میں آتشزدگی سے 21 افراد کی ہلاکت کی تصدیق ہوگئی ہے۔

ضلع کے فائراینڈ ریسکیو ڈپارٹمنٹ کے مطابق آگ بجھانے والے عملے کو دوپہر 12 بجکر 57 منٹ پر بیجنگ چھانگ فینگ اسپتال کے شعبہ اندرون مریض کی عمارت میں آگ لگنے کی اطلاع ملی تھی۔ آگ پر دوپہر ایک بجکر 33 منٹ پر قابو پالیا گیا تھا۔ کارروائی کے دوران 71 مریضوں کو بحفاظت نکالا گیا۔

شام 6 بجے تک 21 افراد کے ہلاک ہونے کی تصدیق کردی گئی تھی۔

واقعے کی وجوہات جاننے کے لیے تحقیقات جاری ہیں۔