بیجنگ (شِنہوا) بیجنگ بھر کے 17 پارکس میں موسم بہار تہوار تعطیلات کے دوران مجموعی طور پر 61 ثقافتی تقریبات کا انعقاد کیا گیا جن میں پھولوں کی نمائش اور شیروں کے رقص بھی شامل تھے۔

بلدیہ بیجنگ کے شعبہ جنگلات اور پارکس کے مطابق بیجنگ میں چائنہ قومی نباتاتی باغ میں پھولوں کی 200 سے زائد اقسام کی نمائش کی گئی جس کا موضوع تحفظ حیاتیاتی تنوع تھا۔

تعطیلات کے دوران آئس۔اسنو سے متعلق تفریحی سرگرمیاں عروج پر رہیں۔

بیورو کے پارک انتظامیہ دفتر کے سربراہ پھنگ چھیانگ نے کہا کہ چینی دارالحکومت میں سمر پیلس اور بے ہائی پارک سمیت مجموعی طور پر 25 پارکس ہیں جہاں سیاحوں کے لئے آئس کار، آئس سلائیڈ اور اسنوفریزبی جیسے موسم سرما کے کھیلوں کی تفریح موجود ہے۔

بیورو نے بتایا کہ صرف جمعرات کو تعطیلات کے چھٹے روز بیجنگ کے پارکس میں 6 لاکھ 30 ہزار دورے ہوئے۔ اس میں سمر پیلس کے 75 ہزار 400 سے زائد دورے بھی شامل ہیں جو اب تک سب سے زائد ہے۔