شی جیاژوانگ(شِنہوا)چین کی عوامی سیاسی مشاورتی کانفرنس کی بیجنگ میونسپل کمیٹی کے سابق نائب چیئرمین یو لومنگ کے خلاف  چین کے شمالی صوبے ہیبی  میں ژانگ جیاکو کی انٹرمیڈیٹ پیپلز کورٹ میں رشوت خوری کے مقدمے کی سماعت جمعرات کو ہوئی۔

یو پر 2001 اور 2019 کے درمیان بیجنگ میں اپنے مختلف عہدوں کا ناجائز فائدہ اٹھا کر زمین کے استعمال کے حقوق اور ہسپتال کے منصوبوں کے ٹھیکے کے حوالے سے دوسروں کے لیے منافع حاصل  کرنے سمیت دیگر معاملات میں بدعنوانی کے الزامات ہیں۔استغاثہ کے مطابق یو نے  بدلے میں 1 کروڑ5 لاکھ یوآن (تقریباً 15 لاکھ 20 ہزار ڈالر) کی رقم اور قیمتی اشیاء وصول کیں۔

مقدمے کی سماعت کے دوران استغاثہ نے اپنے شواہد پیش کیے۔ مدعا علیہ اور اس کے وکیل نے شواہد پر جرح کی۔

اپنے آخری بیان میں یو نے اعتراف جرم کرتے ہوئے پچھتاوا ظاہر کیا۔ سزا کا اعلان بعد میں کیا جائے گا۔