بیجنگ(شِنہوا)بیجنگ میں رواں سال بڑی تعداد میں عجائب گھر اور پارکس تعمیر کئے جائیں گے یا انہیں عوام کے لئے کھول دیا جائے گا۔بیجنگ میونسپل کلچرل ہیریٹیج بیورو کے مطابق کیپیٹل عجائب گھر کی ایک شاخ کی تعمیر بیجنگ کے ذیلی مرکز تونگ ژو میں مکمل ہونے والی ہے جسے رواں سال کے اختتام تک عوام کے لئے کھول دیا جائیگا۔ یہ قدیم بیجنگ- ہانگ ژو گرینڈ کینال پر مشتمل ہے۔" تھری ہلز اینڈ فائیو گارڈنز" کے قومی تاریخی اور ثقافتی ورثہ مقامات کے تحفظ اور استعمال کا ایک نمائشی علاقہ بھی مکمل کیا جائے گا۔ان میں چھنگ عہد (1911-1644) کے شاہی باغات سمیت بہت سے تاریخی ثقافتی مقامات شامل ہیں۔مغربی ہان عہد 202(قبل مسیح سے 25 عیسوی) کے داباتائی مقبرے کے مقام پر عجائب گھر کی تعمیر نو کے منصوبے پر عملدرآمد کیا جائے گا جبکہ لیولی ہی قومی آثار قدیمہ پارک کی تعمیر بھی رواں ماہ شرو ع ہوجائے گی۔بیجنگ میونسپل کلچرل ہیریٹیج بیورو کے ڈائریکٹر چھن منگ جی نے کہا کہ دارالحکومت میں 215 رجسٹرڈ عجائب گھر ہیں جس میں گزشتہ برس تقریبا 500 نمائشوں اور تقاریب کا اہتمام کیا گیا۔