بیجنگ(شِنہوا) بیجنگ کلچر فورم 2023 میں 14 ستمبر کو چین کے دارالحکومت میں شروع ہوگا۔

اپنی نوعیت کی اس دوسری دو روزہ تقریب میں عمدہ ثقافت اورتبادلوں کو فروغ دیا جائے گا جس کے دوران  ایک مرکزی فورم، پانچ ذیلی فورمز اور متعدد متعلقہ ثقافتی سرگرمیوں کا انقعاد کیا جائے گا۔ فورم کے دوران چینی ثقافت کی ترقی پر رپورٹ بھی جاری کی جائے گی۔

اندرون و بیرون ملک سے 600 سے زائد شرکاء ثقافتی ورثے کے تحفظ اور استعمال، ثقافت وٹیکنالوجی کے انضمام اور مختلف تہذیبوں کے درمیان تبادلوں پرتفصیلی بات چیت کریں گے۔

کمیونسٹ پارٹی آف چائنہ (سی پی سی)  کی مرکزی کمیٹی کے شعبہ تشہیر، سی پی سی بیجنگ میونسپل کمیٹی اور بیجنگ میونسپل گورنمنٹ نے اس فورم کے لیے مشترکہ تعاون کیا ہے۔