بیجنگ (شِنہوا) بیجنگ میں ہانگ ژو ایشیائی کھیلوں بارے سرگرمیوں کا انعقاد کیا گیا۔ جس میں بیجنگ اسپورٹس یونیورسٹی میں لیکچر، ایک دوڑ  اور بیجنگ کے اولمپک پارک میں محفل موسیقی شامل تھی۔

اس سے قبل یہ سرگرمیاں چین کے دیگر شہروں شنگھائی، شی آن، تیان جن، ووہان، چھنگ ڈو ، شیامن، نان جنگ، گوانگ ژو، ژوہائی اور بیجنگ میں منعقد ہوچکی ہیں۔  سرگرمیوں کے اس سلسلے کا آغاز 30 مئی 2021 سے ہوا ہے۔

ہانگ ژو ایشیائی کھیل انتظامی کمیٹی کے ایگزیکٹو سیکرٹری جنرل چھن وائی  چھیانگ نے بیجنگ اسپورٹس یونیورسٹی میں لیکچر کے دوران بتایا کہ  بیجنگ نے 33 برس قبل 11ویں ایشیائی کھیلوں کی میزبانی کی تھی یہ چین میں کھیلوں کے شعبے میں ایک سنگ میل کی حیثیت رکھتا ہے۔ اب ہانگ ژو 19 ویں ایشیائی کھیلوں کی تیاری کررہا ہے اور بہترین نتائج کے لئے کوشاں ہے۔ 

دوڑ میں شریک افراد سفر کرتے ہوئے  اولمپک پارک کے قومی آبی حیات مرکز پہنچے جہاں انہوں نے ہانگ ژو ایشیائی کھیلوں کے تشہیر گیت کے لئے منعقدہ محفل موسیقی میں شرکت کی۔ 

ہانگ ژو ایشائی کھیل انتظامی کمیٹی کے نائب سیکرٹری جنرل ہوانگ ہائی فینگ نے بتایا کہ  ان سرگرمیوں اور گیتوں  سے لوگ ہانگ ژو کو بہتر انداز سے سمجھ سکیں گے۔