بیجنگ (شِنہوا)بیجنگ میں "چینی جدید یت اور مشترکہ مستقبل کے ساتھ انسانی برادری" کے عنوان سے ایک بین الاقوامی فورم منعقد ہوا جس میں چین، برطانیہ اور فرانس سمیت 14 ممالک کے تقریباً 100 نمائندوں نے شرکت کی۔

یہ فورم چائنہ فارن لینگویجز پبلشنگ ایڈمنسٹریشن (سی ایف ایل پی اے) اور چائنہ انسٹی ٹیوٹ فار انوویشن اینڈ ڈیویلپمنٹ اسٹریٹجی کی جانب سے آن لائن اور آف لائن منعقد کیا گیا۔

سی ایف ایل پی اے کے نائب صدر یو تاؤ نے کہا کہ چینی جدید یت چین اور دنیا دونوں سے تعلق رکھتی ہے ، اور مشترکہ مستقبل کے ساتھ انسانی برادری کی تعمیر کے لئے دانشمندی اور ایکشن پلان کی علامت ہے۔

یو نے کہا کہ سی ایف ایل پی اے دیگر ممالک کے اداروں اور دانشوروں کے ساتھ مزید تعاون کرے گا تاکہ بین الاقوامی تھنک ٹینک کے تبادلے اور معلومات کے تبادلے کے لئے مزید پلیٹ فارم تیار کیے جاسکیں۔

نمائندوں نے چینی جدیدیت اور عالمی ترقی، عالمی حکمرانی کے نظام اور تہذیبی تبادلوں کے درمیان تعلقات پر تین ذیلی موضوعات بارے بھی تبادلہ خیال کیا۔