بیجنگ(شِنہوا)بیجنگ میں گزشتہ چند دنوں میں 140 سالہ مدت کی سب سے زیادہ بارش ریکارڈ کی گئی ہے۔

بیجنگ میٹرولوجیکل سروس نے بدھ کو بتایا کہ شہر میں 744.8 ملی میٹر بارش ریکارڈ کی گئی جوچھانگ پھنگ ضلع کےوانگ جیایوان آبی ذخائرمیں ہفتے کورات 8 بجے سے بدھ کی صبح 7 بجے کے درمیان ریکارڈ کی گئی سب سے زیادہ بارش ہے۔

چینی دارالحکومت میں گزشتہ ہفتے کے آخر سے شروع ہونے والے سمندری طوفان ڈوکسوری کے باعث طوفانی بارشوں  کے نتیجے میں منگل کی صبح تک 11 افراد ہلاک ہو چکے ہیں۔

شہر میں بڑے دریاوں میں پانی کا بہاؤ انتباہی نشان سے نیچے جانے پر بدھ کی صبح سیلاب کے خطرے کے لیے جاری ریڈ الرٹ ختم کر دیا گیا ہے۔